10 ຫຼັກການທີ່ຕ້ອງເຮັດ ຖ້າຫວັງຈະປະສົບຜົນສຳເລັດ ໃນທຸລະກິດອອນໄລ

ທີມງານພວກເຮົາໄດ້ຄັດສັນເລື່ອງລາວຂ່າວສານອັນທີ່ເປັນປະໂຫຍດ ມາໃຫ້ສະມະຊິກຮັບຊາບຢູ່ເປັນປະຈໍາ, ແຕ່ມື້ນີ້ພວກເຮົາເອົາໃຈຜູ້ທີ່ສົນໃຈທຸລະກິດອອນໄລໂດຍສະເພາະ ເປັນຫຼັກການບໍລິຫານໃຫ້ປະສົບຜົນສຳເລັດໃນທຸລະກິດນີ້ ໂດຍມີລາຍລະອຽດດັ່ງນີ້:

1 ຮັບຝັງ: ບໍ່ຕ້ອງເວົ້າຫຍັງຫຼາຍ ພຽງແຕ່ອ່ານຄອມເມັ້ນ ຟັງໃນສິ່ງທີ່ລູກຄ້າເວົ້າກໍພໍ ຮູ້ໃຫ້ໄດ້ວ່າຫົວຂໍ້ແບບໃດທີ່ລູກຄ້າຕ້ອງການ ແລະ ສຳຄັນກັບເຂົາ ແລ້ວຕໍ່ຈາກນັ້ນກໍ່ຄ່ອຍເອົາຫົວຂໍ້ທີ່ຕອບສະໜອງຄວາມຕ້ອງການຂອງລູກຄ້າມາເຮັດຫົວຂໍ້ເລີຍ.

2 ຫາຈຸດສຳຄັນ: ຂໍໃຫ້ທຸກທ່ານເນັ້ນໄປທີ່ໂຊຊຽວມີເດີຍສັກອັນໜຶ່ງ ເຮັດໃຫ້ມັນດີທີ່ສຸດ ບໍ່ຕ້ອງໄປຫວັງຫຼາຍ ວ່າຈະໃຫ້ທຸກຢ່າງປະ ສົບຄວາມສຳເລັດເໜືອນກັນໝົດ ເພາະຢູທູບ, ເຟດບຸກ ແລະ ອິນສະຕາແກມ 3 ຢ່າງນີ້ກໍ່ຍັງແຕກຕ່າງກັນແລ້ວ ຖ້າມົວແຕ່ໄປ ເຮັດທຸກອັນ ຈະເຮັດໃຫ້ເສີຍເວລາລ້າໆ ໃນການທຳທຸລະກິດຫຼາຍເກີນໄປ ຄວນໃສ່ໃຈອັນທີ່ເໝາະສົມກັບເຮົາກໍພໍ.

3 ຄຸນນະພາບ: ເວລາເຮັດວຽກທຸກຢ່າງຕ້ອງຄຳນິງເຖິງຄຸນນະພາບ ຕໍ່ໃຫ້ທ່ານມີຫົວຂໍ້ເປັນໝື່ນໆ ກໍ່ບໍ່ສູ້ຫົວຂໍ້ເປັນຫຼັກພັນ ແຕ່ຄົນ ແຊຄົນອ່ານ ແລະ ຄົນເວົ້າເຖິງຫົວຂໍ້ນັ້ນເປັນແສນຄົນ ສະນັ້ນຈຳໄວ້ວ່າ ຄຸນນະພາບສຳຄັນກວ່າ ປະລິມານສະເໜີ.

4 ອົດທົນ: ຄວາມສຳເລັດການຕະຫຼາດອອນໄລ ມັນບໍ່ໄດ້ເກີດຂຶ້ນໃນເວລາຂ້າມຄືນ ຖ້າຫົວຂໍ້ຂອງທ່ານບໍ່ເຈັ່ງຈຶ່ງໆ ດັ່ງນັ້ນຄວນຫວັງ ຜົນໃນໄລຍະຍາວດີກວ່າ ຖ້າທ່ານເຮັດທຸກຢ່າງໃຫ້ດີໄດ້ ຕິດ SEO (ຫວັງຜົນໄລຍະຍາວຢູ່ແລ້ວ) ດຽວທຸລະກິດກໍ່ດີຂຶ້ນດ້ວຍຕົວ ຂອງມັນເອງ.

5 ບໍ່ຄິດຫຼາຍ: ຖ້າທ່ານຕ້ອງການສ້າງຫົວຂໍ້ດີໆ ຂຶ້ນມາຈັກຢ່າງ ຈົນມັນດັງກະຈ່າຍໄປທົ່ວ ເມື່ອເວລານັ້ນທຸກຄົນກໍ່ເອົາຂອງທ່ານໄປ ເຜີຍແຜ່ອອກ ເພື່ອຫວັງໄລຈາກກຸ່ມຕົວເອງແນ່ນອນ, ແຕ່ບໍ່ຕ້ອງຄິດຫັຍງຫຼາຍ ເພາະນີ້ຖືເປັນລື່ອງດີດ້ວຍຊ້ຳ, ຖ້າເຂົາເບິ່ງຫົວ ຂໍ້ທ່ານແລ້ວຖືກໃຈ ເຂົາກໍ່ຕ້ອງກັບມາຄົ້ນຫາໃຫ້ໄດ້ເອງ ຖ້າທ່ານຂຽນໄວ້ໃນຫົວຂໍ້ຂອງທ່ານເຖິງວິທີຕິດຕໍ່ແລ້ວ ມີຄົນມາແຊຍິ່ງ ເຮັດໃຫ້ທຸລະກິດຂອງທ່ານຈະເລີນເຕີບໂຕໄດ້ໄວສຸດໆ.

6 ຜູ້ມີອຳນາດ: ລອງໃຊ້ເວລາຫາຜູ້ທີ່ມີອຳນາດຈາກໂລກອອນໄລ ເຊັ່ນ: ເນັດໄອດໍ ທີ່ຕົງກັບທຸລະກິດຂອງທ່ານ ຫຼື ທ່ານຄິດວ່າບຸກ ຄົນໃດໜຶ່ງທີ່ຊ່ວຍໃຫ້ທຸລະກິດຂອງທ່ານຈະເລີນເຕີບໂຕ ເພາະຄົນພວກນີ້ຈະມີຜູ້ຕິດຕາມຫຼາຍ ຖ້າທ່ານໃຫ້ເຂົາມາລອງໃຊ້ບໍລິ ການຟີໆ ແລ້ວເຂົາເກີດມັກຂຶ້ນມາ ເຂົາກໍສາມາດອະທິບາຍໃຫ້ທຸລະກິດທ່ານໄດ້ ທີ່ນີ້້ກຸ່ມແຟນຄັບຫຼື ຜູ້ຕິດຕາມກໍ່ພ້ອມຈະເຂົ້າມາ ເປັນຜູ້ຕິດຕາມທ່ານເອງ.

7 ຄຸນຄ່າ: ທ່ານຢ່າມົວແຕ່ເນັ້ນຂາຍສິນຄ້າໃຫ້ໄດ້ດີ ຍິ່່ງເຮັດໃຫ້ທ່ານຂາຍບໍ່ໄດ້ໜັກເຂົ້າໄປໃຫ່ຍ ເພາະດຽວນີ້ຄົນມັກຫົວຂໍ້ທີ່ສ້າງສັນ ແລະ ສົດໃສ ເຂົ້າເຖິງງ່າຍ ຈັບຕ້ອງໄດ້ ເບິ່ງແລ້ວເພີດເພີນ ສະນັ້ນທ່ານກັບມາເບິ່ງຫົວຂໍ້ທີທ່ານສ້າງວ່າມີປະໂຫຍດ, ມີຄຸນຄ່າກັບ  ເຂົາ, ແລ້ວເຂົາກໍ່ຈະກັບມາຫາສິນຄ້າຂອງທ່ານເອງ.

8 ຕິດຕໍ່ທຸກຄົນ: ສົມມຸດທ່ານມີລູກຄ້າປະຈຳຢູ່ໃນມືຢູ່ແລ້ວ ແລ້ວຢາກຈະເຮັດທຸລະກິດອອນໄລ ເພື່ອຫາລູກຄ້າໃໝ່ເຂົ້າມາ ຂໍບອກ ເລີຍວ່າຢ່າປະລູກຄ້າເກົ່າເປັນອັນຂາດ ແມ່ນຫຍັງກໍ່ຕາມທີ່ທ່ານເຮັດອອນໄລ ທ່ານກໍຕ້ອງເສີບຂອງເຫຼົ່ານັ້ນໄປເຖິງມືເຂົາດ້ ເພາະ ການເຮັດທຸລະກິດບໍ່ແນ່ນອນ ວັນນີ້ເຂົາເປັນລູກຄ້າປະຈຳເຮົາຢູ່ດີໆ ແຕ່ວັນໜຶ່ງເຂົາອາດຈະໄດ້ຮັບຈາກຄູ່ແຂ່ງຂອງເຮົາ ແລ້ວວັນ ນັ້ນເຂົາຖີ້ມເຮົາໄປ ແລ້ວທ່ານຈະເຂົ້າໃຈທັນທີ່ວາ ເປັນຫຍັງຕ້ອງດູແລລູກຄ້າເກົ່າໃຫ້ເທົ່າທຽມກັບລູກຄ້າໃໝ່.

9 ເຂົ້າເຖິງງ່າຍ: ການຈະປະສົບຄວາມສຳລັດໃນທຸລະກິດອອນໄລໄດ້ ທ່ານຕ້ອງເຂົ້າເຖິງໃຫ້ງ່າຍ ບໍ່ແມ່ນໂພດຫົວຂໍ້ແລ້ວ ລູກຄ້າ ຄອມເມັນມາ ແລ້ວບໍ່ຕອບກັບ,​ບໍ່ເຮັດຫຍັງຈັກຢ່າງ ແລ້ວຖາມຄືນວ່າເຮັດໃຫ້ມັນເສຍເວລາເຮັດຫຍັງ ທ່ານຕ້ອງສົນທະນາ ເຮັດ ໃຫ້ຄົນຜ່ານໄປຜ່ານມາເຫັນວ່າທ່ານເບິ່ງແຍງເຂົາດີ, ໃສ່ໃຈທຸກຄໍາຖາມ , ແຕ່ຖ້າທ່ານຫາຍອອກຈາກຊີວິດຂອງເຂົາໄປດົນໆ ກໍ່ຈະມີ ຄູ່ແຂງຄົນໃໝ່ທີ່ພ້ອມເຂົ້າມາແທນທ່ານ ແລ້ວຄູ່ແຂງນີ້ລະສິຍາດລູກຄ້າຂອງທ່ານໄປຈົນໝົດ.

10 ອາໄສເເຊິ່ງກັນ ແລະ ກັນ: ສົມໝຸດວ່າທ່ານເລີ່ມສ້າງເຟດບຸກຂຶ້ນມາໃໝ່ ທ່ານກໍຍາກໄດ້ຍອດໄລໄວໆ ໃຫ້ທຸລະກິດຂອງທ່ານໜ້າ ເຊື່ອຖືແມ່ນບໍ ເຊິ່ງການທີ່ມີເພດໃຫ່ຍໆ ມາແຊຫົວຫົວຂອງທ່ານໄປ ມັນກໍ່ຈະເຮັດໃຫ້ຄົນເຫັນທ່ານເປັນຈຳນວນຫຼາຍຂຶ້ນ ເຂົ້າມາ ກົດໄລຊື້ສິນຄ້າ ໃຊ້ບໍລິການທ່ານຫຼາຍຂຶ້ນ, ແຕ່ສິ່ງນີ້ຈະບໍ່ມີວັນເກີດຂຶ້ນເລິຍ ຖ້າທ່ານບໍ່ເຮັດແບບດຽວກັນ ດັ່ງນັ້ນເລີ່ມຈາກຕົວເຮົາ ເອງເລີຍ ຖ້າພົບຫົວຂໍ້ໃດດີ, ມີປະໂຫຍດກໍ່ແຊໄປໃຫ້ລູກຄ້າເຮົາເບິ່ງ ພໍເຮົາເຮັດຫົວຂໍ້ດີໆອອກມາ ເພື່ອນຮ່ວມທຸລະກິດຂອງ ທ່ານກໍ່ ຈະແຊຫົວຂໍ້ຂອງເຮົາເອງ ນີ້ລະເອີ້ນວ່າການອາໄສເຊິ່ງກັນ ແລະ ກັນ.

Posted in ສາລະໜ້າຮູ້ and tagged .