ກະຊວງການເງີນ ເປີດບໍ່ລິການສາຍດ່ວນ

ກະຊວງການເງີນ ເປີດນຳໃຊ້ບໍ່ລິການສາຍດ່ວນຂອງກະຊວງ ເພື່ອໃຫ້ປະຊາຊົນ,ອົງການຈັດຕັ້ງລັດ, ໂທແຈ້ງບັນຫາ ແລະ ຂໍ້ຄ້າງຄ້າໃຈ ກ່ຽວກັບບັນຫາອາກອນ ແລະ ການບໍ່ລິການຕ່າງໆຂອງກະຊວງການເງີນ.

ຫ້ອງການກະຊວງ​ການ​ເງິນ, ຂໍ​ຖື​ເປັນ​ກຽດ​ແຈ້ງ​ການ​ກ່ຽວ​ກັບ ການ​ເປີດ​ໂທລະສັບ​ສາຍ​ດ່ວນ​ຂອງ​ກະຊວງ​ການ​ເງິນ 1519 ມາ​ຍັງ ອົງການ​ລັດ, ທຽບ​ເທົ່າ​ກະຊວງ, ຫ້ອງ​ວ່າການ​ປົກຄອງ​ແຂວງ, ນະ ຄອນ​ຫຼວງ, ບັນດາ​ພໍ່​ແມ່​ປະຊາຊົນ, ພໍ່ຄ້າ​ຊາວ​ຂາຍ ​ແລະ ຜູ້ປະກອບ ການ​ໃນ​ຂອບ​ເຂດ​ທົ່ວ​ປະ​ເທດ​ຊາບ​ວ່າ: ນັບ​ແຕ່​ວັນ​ທີ 7 ​ເມສາ 2017 ​ເປັນ​ຕົ້ນ​ໄປ ກະຊວງ​ການ​ເງິນ​ໄດ້​ເປີດ​ນຳ​ໃຊ້​ໂທລະສັບ​ສາຍ​ດ່ວນ 1519 ຢ່າງ​ເປັນ​ທາງ​ການ ​ເພື່ອ​ຮັບ​ເອົາ​ຄຳ​ຖາມ, ການສະ​ເໜີ, ຂໍ້​ຄິດ ​ເຫັນ ​ແລະ ອື່ນໆ ຈາກ​ອົງການ​ຈັດ​ຕັ້ງລັດ, ອົງການຈັດ​ຕັ້ງມະຫາຊົນ, ບຸກຄົນ, ນິຕິບຸກຄົນ ​ແລະ ອື່ນໆ​ຕໍ່​ກັບ​ການຈັດ​ຕັ້ງ​ປະຕິບັດ​ວຽກງານ​ວິຊາ​ສະ​ເພາະ​ຂອງ​ຂະ​ແໜງ​ການ​ເງິນ​​ໃນ​ຂອບ​ເຂດ​ທົ່ວ​ປະ​ເທດ.

ສ່ວນ​ການ​ຊີ້​ແຈງ​ໂທລະສັບ​ສາຍ​ດ່ວນ​ຈະ​ຊີ້​ແຈງ​ຜ່ານ​ສື່​ຕ່າງໆ​ຄື: ຜ່ານ​ລາຍການ​ ການ​ເງິນ​ການ​ພັດທະນາ​ຊ່ອງ​ໂທລະພາບ​ຂອງ​ກະ ຊວງ​ປ້ອງ​ກັນ​ຄວາມ​ສະຫງົບ, ​ເຊິ່ງອອກ​ອາກາດ​ໃນ​ທຸກໆ​ວັນ​ສຸກ ​ເວລາ 20:30 ​ໂມງ ​ຫາ 21:00 ​ໂມງ ​ແລະ ທຸກໆ​ວັນ​ເສົາ ​ເວລາ7:00 ​ໂມງ​ຫາ 7:30 ​ໂມງ, ຜ່ານ​ລາຍການ​ ການ​ເງິນການ​ພັດ ທະນາວິທະ​ຍຸ​ຂອງກະຊວງ​ປ້​ອງກັນ​ຄວາມ​ສະຫງົບ ​ຄື້ນຄວາ​ມຖີ່ 105.5 MHz ​ເຊິ່ງອອກ​ອາກາດ​ທຸກໆ​ວັນ​ອັງຄານ, ພະຫັດ ​ແລະ ​ເສົາ ​ເວລາ 12:30 ​ໂມງ ຫາ 13:00 ​ໂມງ ​ແລະ ໜັງສື​ພິມ​ການ​ເງິນ​ປະຈຳ​ອາທິດ​ຂອງ​ກະຊວງ​ການ​ເງິນ, ໜັງສືພິມ​ວຽງ​ຈັນ​ໃໝ່, ໜັງສືພິມ​ປະຊາຊົນ, ໜັງສືພິມ​ປະ​ເທດ​ລາວ ​ແລະ ໜັງສືພິມ​ລາວ​ພັດທະນາ.

Soure:https://www.facebook.com/La.LTST

By: buysoldonline.com

 

Posted in ຂ່າວ, ພັກ-ລັດ and tagged , , .