ໃນຊ່ວງຍາມຝົນ ເມືອງ ທ່າປາງທອງ ໄປມາ ລໍາບາກ

ສະພາບເສັ້ນທາງ ເມືອງທ່າປາງທອງ ແຂວງສະຫວັນນະເຂດ

ປະຊາຊົນ 40 ປາຍບ້ານ ຢູ່ເມືອງ ທ່າປາງທອງ ແຂວງສະຫວັນນະເຂດ ທີ່ເປັນເຂດຫ່າງໄກ ຕົວເມືອງ ສັນຈອນໄປມາ ຫຍຸ້ງຍາກ ລໍາບາກຫລາຍ ຍ້ອນຫົນທາງ ເປ່ເພ, ເປັນຂຸມໃຫຍ່ ແລະ ຂີ້ຕົມຫລາຍ ໂດຍສະເພາະ ໃນລະດູຝົນ. ຕາມຄໍາເວົ້າຂອງ ເຈົ້າໜ້າທີ່ ເມືອງທ່າປາງທອງ:

“ເສັ້ນທາງຫລວງ ເພິ່ນກະປົວແປງແລ້ວ ກຽມຮັບກິລາເດ໊ ກະປົກຕິ ເສັ້ນທາງ ກະໂອເຄ ແຕ່ວ່າຍັງ ຢາກຍາກແນ່ ເພາະວ່າເປັນທາງ ດິນແດງຫັ້ນນະ ກະຖືວ່າໄປມາ ສະດວກຢູ່ ໃນຊ່ວງນີ້ ກະພໍໄປໄດ້”.

40 ປາຍບ້ານ ຮວມທັງບ້ານໂນນຈາ, ບ້ານນາສະໂນ, ບ້ານພູຜານອນ ນັ້ນລໍຖ້າ ການຊ່ວຍເຫລືອ ຈາກທາງການ ໃນການ ສ້ອມແປງ ແລະປັບປຸງຖະໜົນ ຊຶ່ງສ່ວນຫຼາຍ ເປັນຖະໜົນດິນແດງ ໃນຍາມແລ້ງ ມີຂີ້ຝຸ່ນ, ຍາມຝົນ ເປັນຂີ້ຕົມ, ບາງບ່ອນ ລົດໃຫຍ່, ລົດຈັກ ບໍ່ສາມາດ ແລ່ນໄປມາໄດ້.

ທ່ານກ່າວຕື່ມວ່າ ເມື່ອເດືອນກຸມພາ ຜ່ານມານີ້ ທາງການ ແຂວງສະຫວັນນະເຂດ ກໍໄດ້ມາ ສ້ອມແປງຖະໜົນ ຫລາຍບ່ອນ ທີ່ເປ່ເພ ຈາກ ເມືອງທ່າປາງທອງ ໄປຫາ ເມືອງພີນ ປະມານ 30 ປາຍ ກິໂລແມັດ ຍ້ອນວ່າ ເມືອງທ່າປາງທອງ ຈະເປັນເຈົ້າພາບ ຈັດການແຂ່ງຂັນ ກິລາ ມວນຊົນ ຂຶ້ນໃນເດືອນ ທັນວາ 2017 ນີ້.

ເມືອງທ່າປາງທອງ ເປັນເມືອງທີ່ ປະຊາຊົນສ່ວນຫລາຍ ທຸກຍາກ ຂາດເຂີນ, ບໍ່ມີການພັດນາໂຄງຮ່າງພື້ນຖານ ຢູ່ຫລາຍບ້ານ ເຊັ່ນວ່າ ຖະໜົນ ຫົນທາງ, ໄຟຟ້າ ແລະນໍ້າ ສະອາດ.

By: buysoldonline.com

14 june 2017

Soure: http://www.rfa.org/lao

Posted in ການສັນຈອນ, ຂ່າວ and tagged , , , , .