ທະນາຄານແຫ່ງ ສປປລາວ ສັ່ງໃຫ້ບໍລິສັດ ພີເອັສ ສົ່ງເສີມ ກະສິກຳ ແລະອຸດສາຫະກຳ ຄືນເງິນ ຊຶ່ງເປັນເງິນ ປັນຜົນ ໃຫ້ສະມາຊິກ 50 ພັນຄົນ

ທະນາຄານແຫ່ງ ສປປລາວ ສັ່ງໃຫ້ບໍລິສັດ ພີເອັສ ສົ່ງເສີມ ກະສິກຳ ແລະອຸດສາຫະກຳ ຄືນເງິນ ຊຶ່ງເປັນເງິນ ປັນຜົນ ໃຫ້ສະມາຊິກ 50 ພັນຄົນ ແລະ ສະມາຊິກ ທີ່ຂໍຍົກເລີກ ສັນຍາ ເມື່ອ 1 ປີກ່ອນ ເປັນມູນຄ່າ ທັງໝົດ 100 ຕື້ປາຍກີບ ແຕ່ມື້ວັນທີ 6 ມິຖຸນາ ເຖິງວັນທີ 6 ກໍລະກົດ 2017 ນີ້ ຫລັງຈາກທີ່ ພວກ ສະມາຊິກ ຂອງບໍລິສັດນີ້ ບໍ່ໄດ້ຮັບເງິນ ປັນຜົນມາຕັ້ງແຕ່ ເດືອນກຸມພາ ຂອງປີນີ້ ອັນເປັນການ ລະເມີດ ຂໍ້ຕົກລົງ ທີ່ທາງ ບໍຣິສັດ ຈະຕ້ອງໄດ້ຈ່າຍ ໃຫ້ທຸກເດືອນ.

ຜູ້ບໍລິຫານບໍລິສັດ ພີເອັສ ທ່ານນຶ່ງເປີດເຜີຍວ່າ ບໍລິສັດນີ້ ຍິນດີທີ່ຈະຈ່າຍເງິນນັ້ນໃຫ້ ສະມາຊິກທຸກຄົນ ຕາມຈໍານວນດັ່ງກ່າວ ແຕ່ບໍ່ສາມາດ ຈະຈ່າຍໃຫ້ ໄດ້ ໃນໄລຍະ 1 ເດືອນ,  ຕ້ອງໄດ້ໃຊ້ເວລາຢ່າງໜ້ອຍ 2 ເດືອນ:

“ອາໄສພາກສ່ວນກ່ຽວຂ້ອງ ນີ້ແລະວ່າ ເຮົາກະໄດ້ກຽມຕົວ ແກ້ແລ້ວ ກະມີບໍລິສັດ ມາກວດກາ ໃຫ້ເຂົາຍື່ນ ຂໍເວລາກັບ ທະນາຄານ ຄັນສິໃຫ້ພວກເຂົາ ຍັງມີອັນ ເງິນຕົກຄ້າງ ເຮົາກໍຈະຄ່ອຍໆ ຂາຍສິນຄ້າດໍາເນີນ ທຸລະກິດ ອອກໄປ ສົ່ງໃຫ້ພວກນັ້ນ ຜູ້ໃດບໍ່ພໍໃຈຢູ່ ກະອອກໄປ ແຕ່ຂໍເວລາ 1 ເດືອນດຽວນີ້ນະ ມັນບໍ່ມີຜູ້ໃດ ເຮັດໄດ້ດອກ”.

ບໍລິສັດພີເອັສ ຂຶ້ນທະບຽນວິສາຫະກິດ ມາຕັ້ງແຕ່ວັນທີ 31 ພຶສພາ 2012 ແລະໄດ້ໂຄສະນາ ໃຫ້ປະຊາຊົນ ທົ່ວໄປເຂົ້າມາເປັນສະມາຊິກ ຂອງຕົນໄດ້ 2 ແສນ ປາຍຄົນໃນປີ 2015 ຊຶ່ງສະມາຊິກ ທຸກຄົນ ຈະໄດ້ຮັບເງິນ ປັນຜົລ 6 ເປີ ເຊັນຕໍ່ເດືອນ. ແຕ່ໃນປີ 2016 ໄດ້ພຽງ 4.8 ເປີເຊັນ ແລະປີ 2017 ນີ້ໄດ້ພຽງ 1 ຈຸດ 8 ເປີເຊັນ ໂດຍທີ່ທາງ ບໍລິສັດ ບໍ່ໄດ້ແຈ້ງ ເຫດຜົນໃຫ້ ສະມາຊິກຮັບຮູ້.

ສະມາຊິກບໍລິສັດ ພີເອັສ ເວົ້າວ່າ ໄດ້ຮ່ວມລົງທຶນ ກັບບໍລິສັດນີ້ ມາຕັ້ງແຕ່ປີື 2015 ຕາມການໂຄສະນາ ທີ່ຜ່ານມາໄດ້ ຮັບເງິນປັນຜົນ ທຸກເດືອນ. ແຕ່ໃນແຕ່ລະເດືອນ ຈະບໍ່ໄດ້ ເທົ່າກັນຂຶ້ນຢູ່ກັບ ຍອດການຂາຍສິນຄ້າ ຫລືເຄື່ອງໃຊ້. ແລະແຕ່ເດືອນ ກຸມພາ 2017 ມານີ້ ແມ່ນບໍ່ໄດ້ ຮັບເງິນນັ້ນ ໂດຍບໍ່ຮູ້ວ່າ ເປັນຍ້ອນສາເຫດ ອັນໃດ:

“ເປັນສະມາຊິກ ຍັງບໍ່ໄດ້ຮັບເງິນຄືນ ພວກທີ່ວ່າໄປ ສັ່ງຖອນ ຖອນແຕ່ 3 ເດືອນ ກໍຍັງບໍ່ໄດ້ ເງິນຄືນ ຊ່ວງແລກໆ ຈ່າຍປົກຕິ ຢູ່ແຕ່ວ່າ ຜ່ານມາ ມີບັນຫາຫລາຍ ບໍ່ຮູ້ວ່າເປັນ ຈັ່ງໃດ”.

ເມື່ອວັນທີ 25 ພຶສພາ 2017 ສະມາຊິກບໍຣິສັດນີ້ປະມານ 20 ຄົນໄດ້ໄປຫາ ບໍລິສັດ ເພື່ອຖາມເຖິງເງິນ ປັນຜົນທີ່ບໍ່ໄດ້ຮັບ ມາແຕ່ເດືອນ ກຸມພາ ແຕ່ກໍບໍ່ສາ ມາດເຂົ້າຫາບໍລິສັດໄດ້.

ຕາມແຈ້ງການຂອງທະນາຄານ ແຫ່ງຊາດສປປລາວ ບໍລິສັດ ພີເອັສ ຈະຕ້ອງຢຸດໂຄສະນາທຸກຢ່າງ ທີ່ເປັນການເຊີນຊວນ ໃຫ້ ປະຊາຊົນ ມາຮ່ວມລົງທຶນ ນໍາຕື່ມ ແລະ ສັ່ງໃຫ້ ບໍລິສັດ ນີ້ ເຊົາແອບອ້າງ ເຖິງຂະແໜງການ ຕ່າງໆຂອງລັດຖະບານ ທີ່ວ່າຈະເຂົ້າໄປ ຊ່ວຍແກ່ໄຂ ບັນຫາ ທາງການເງິນ ແລະບັນຫາອື່ນໆ ຂອງບໍລິສັດນັ້ນ.

By: buysoldonline.com

07 june 2017 at 13:35

Soure:http://www.rfa.org/lao/daily/economy/laos-central-bank-orders-ps-firm-pay-customers-dividends-06062017232336.html

 

Posted in ກິລາ ແລະ ບັນເທິງ, ຂ່າວ, ທົ່ວໄປ and tagged , , , , , .