ຄົນຄັບລົດຂົນໄມ້ໄປຫວຽດນາມລົບໜີ

ຄົນຄັບລົດຂົນໄມ້ໄປຫວຽດນາມລົບໜີ

ຂະບວນລົດຂົນສົ່ງໄມ້ໄປ ຫວຽດນາມ ຕາມຖະໜົນເລຂ 9 ມຸ້ງໜ້າໄປຫາ ເຂດຊາຍແດນ ລາວບາວ ອີກປະມານ 100 ກິໂລແມັດ (ຮູປຖ່າຍໂດຍ ພົນເມືອງດີ ເມື່ອ 6 ເດືອນກ່ອນ)

ປະຈຸບັນຄະນະກັາການສະເພາະກິດຂອງລາວ ກຳລັງຊອກຫາໂຕ ຄົນຂັບລົດຂົນໄມ້ ເຖື່ອນອອກໄປ ປະເທດຫວຽດນາມ ຈຳນວນ 27 ຄັນ ທີ່ຖືກຍຶດໄດ້ ຢູ່ ແຂວງອັດຕະປື. ພວກເຂົາ ທີ່ລັກຂົນໄມ້ຕັບ ທີ່ຍັງບໍ່ທັນຮູ້ວ່າ ມີຈຳນວນເທົ່າໃດນັ້ນ ຍັງຫລົບໜີເຈົ້າໜ້າທີ່ຢູ່. ຕາມຄຳເວົ້າ ຂອງເຈົ້າໜ້າທີ່ ລະດັບສູງ ຂອງແຂວງອັດຕະປື ໃນມື້ວັນທີ 6 ມິຖຸນາ ນີ້:

“ຍັງຊອກຈັບຢູ່ບໍ່ທັນໄດ້ ໂຊເຟີລົດກະໜີ ຖືວ່າດຽວນີ້ໄມ້ຫັ້ນ ບໍ່ທັນລະອຽດເທື່ອ ຕາມບັນຊີໄມ້ວ່າລົດ 27 ຄັນ ມີປະມານ 600 ແມັດກ້ອນ ແຕ່ພວກເຮົາກວດເຫັນ ນີ້ມັນ 1,000 ປາຍ ແມັດກ້ອນພຸ້ນ”.

ທ່ານເວົ້າວ່າ ຄົນຂັບລົດຈຳນວນດັ່ງກ່າວ ມີທັງຄົນລາວ ແລະຄົນຫວຽດນາມ ທີ່ມາຈາກຫລາຍ ບໍລິສັດ ຊຶ່ງຈະມີການ ເປີດເຜີຍ ລາຍຊື່ ພາຍຫລັງທີ່ ຄະນະກັາມະການ ສະເພາະກິດ ນີ້ ປະຕິບັດ ພາລະກິດ ຂອງຕົນ ສຳເລັດກ່ອນ.

ທ່ານເວົ້າຕື່ມວ່າ ເຖິງລັດບານຈະມີຄຳສັ່ງຫ້າມບໍ່ໃຫ້ເຄື່ອນຍ້າຍໄມ້ ຢູ່ພາຍໃນປະເທດ ແລະຂົນໄມ້ອອກ ໄປຕ່າງປະເທດ ກໍຕາມ ແຕ່ກໍຍັງ ອະນຸຍາດ ໃຫ້ມີການ ຂົນໄມ້ ທີ່ໄດ້ຕັດ ແບບຖືກຕ້ອງຕາມກົດໝາຍ ມາກ່ອນແລ້ວນັ້ນອອກໄປຢູ່ ແລະມີການເຊື່ອງຊ້ອນ ໄມ້ເຖື່ອນໄປນຳ. ແຕ່ເມື່ອຄົນຂັບລົດຂົນໄມ້ຮູ້ວ່າ ເຈົ້າໜ້າທີ່ຮູ້ເລື່ອງ ຈຶງເກີດຢ້ານຖືກຈັບ ແລ້ວ ກໍຫລົບໜີໄປ.

By: Buysoldonline.com

07 june 2017 at 13:00

Soure:http://www.rfa.org/lao/daily/

Posted in ກິລາ ແລະ ບັນເທິງ, ຂ່າວ, ທົ່ວໄປ and tagged , , , , , .