ເຫດລົດໃຫຍ່+ລົດຈັກເສຍຊີວິດ1ລາຍ

ວັນທີ30/05/2017 ເວລາ07:57ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງເຫດຜ່ານເບີ1623ວ່າ ມີເຫດລົດໃຫຍ່+ລົດຈັກ ຈຸດເກີດເຫດແມ່ນ ໜ້າສະໜາມກ໋ອບຫຼັກ18 ເມືອງ ໄຊທານີ ນະຄອນຫຼວງ ພໍຫນ່ວຍກູ້ໄພມູນນິທິອອກກວດສອບພົບ ຜູ້ບາດເຈັບ1ຄົນ ແລະ ເສຍຊີວິດ1ຄົນ ຜູ້ເສຍຊີວິດ ເປັນເພດຊາຍ ອາຍຸ80ປີ ອາຊີບປະຊາຊົນ ບ້ານໂຄກສີວິໄລ ເມືອງໄຊທານີ ນະຄອນຫຼວງວຽງຈັນ ອາການກວດສອບໄດ້ເບື້ອງຕົ້ນແມ່ນ ຫົວຖືກກະທົບ ໜ້າຜາກແຕກເປີດຈີກຢູ່ເບື້ອງຊ້າຍ ມີເລືອດອອກຫູອອກດັງ ມີບາດແຜຕາມຕົນໂຕ ສ່ວນຜູ້ບາດເຈັບ ເປັນເພດຍິງ ອາຍຸ28ປີ ອາຊີບຄ້າຂາຍ ບ້ານໂຄກສີວິໄລ ເມືອງໄຊທານີ ນະຄອນຫຼວງວຽງຈັນ ອາການເບື້ອງຕົ້ນ ມີສະຕິດີ ມີບາດແຜຕາມຕົນໂຕແລະເຈັບກະໂພກເບື້ອງຊ້າຍ ດັ່ງນັ້ນຫນ່ວຍກູ້ໄພມູນນິທິຈຶ່ງນຳສົ່ງສຸກສາລາຫຼັກ21 ສ່ວນຮ່າງຂອງຜູ້ເສຍຊີວິດແມ່ນພີ່ນ້ອງເພິ່ນນຳສົ່ງກັບບ້ານ ແຂວງ ຄຳມ່ວນ ທາງທີມງານຕ້ອງສະແດງຄວາມເສຍໃຈນຳຍາດພີ່ນ້ອງຂອງຜູ້ເສຍຊີວິດຄັ້ງນີ້ດ້ວຍ

ທີ່ມາ: laopnew

Cr:1623

Posted in ການສັນຈອນ, ຂ່າວ and tagged .