ພິທີເຊັນບົດບັນທຶກຄວາມເຂົ້າໃຈຂອງການພັດທະນາລະບົບບໍລິຫານລັດດ້ວຍເລັກໂຕຼນິກ

ພິທີເຊັນບົດບັນທຶກຄວາມເຂົ້າໃຈຂອງການພັດທະນາລະບົບບໍລິຫານລັດດ້ວຍເລັກໂຕຼນິກ

ເມື່ອບໍ່ດົນມານີ້, ສູນບໍລິຫານລັດ ດ້ວຍເອເລັກໂຕຼນິກ, ກະຊວງໄປສະນີ ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບ ກຸ່ມບໍລິສັດ ໄປສະນີ ແລະ ໂທລະຄົມມະນາຄົມຂອງ ປະເທດ ສສ ຫວຽດນາມ ໄດ້ຈັດພິທີເຊັນບົດບັນທຶກຄວາມເຂົ້າໃຈຂອງລະບົບບໍລິຫານລັດດ້ວຍເລັກໂຕຼນິກ ຂຶ້ນທີ່ໂຮງແຮມວຽງຈັນພຣາຊ່າ. ໂດຍການເປັນປະທານ ຂອງ ທ່ານ ພູໂຂງ ຈິດຮູບໂລກ ຫົວຫນ້າ ກົມແຜນການ ແລະ ການຮ່ວມມື, ກະຊວງ ປທສ ແລະ ທ່ານ ໂງຫຸງຕິນ ຮອງປະທານ ກຸ່ມບໍລິສັດ VNPT Group, ມີຜູ້ເຂົ້າຮ່ວມຈາກບັນດາກົມອ້ອມຂ້າງ ກະຊວງ ປທສ ແລະ ບໍລິສັດ VNPT Group

ຈຸດປະສົງຂອງທັງສອງຝ່າຍ ແມ່ນເພື່ອຮ່ວມກັນພັດທະນາ ລະບົບໂປຣແກຣມ ບໍລິຫານຫ້ອງການອີເລັກໂຕຮນິກ (e-office), ລະບົບເຊື່ອມໂຍງຂໍ້ມູນ ແລະ ການບໍລິການທາງພາກລັດ ຜ່ານລະບົບໂປຣແກຣມຖານຂໍ້ມູນແຫ່ງຊາດ (National e-portal).

ໂດຍ: ສູນບໍລິຫານລັດ ດ້ວຍເອເລັກໂຕຼນິກ

http://www.mpt.gov.la/news/topic/?news=113

Posted in ຂ່າວ, ເທັກໂນໂລຢີ and tagged .