ເຊັກລົດດ່ວນ ກ່ອນຫຼິ້ນບຸນປີໄໝ່ ໃຫ້ປອດໄພ

ທີມງານພວກເຮົາມີຄວາມເປັນຫ່ວງຕໍ່ກັບສະພາບດິນຂອງທ່ານ ແລະ ໄດ້ສະເໜີວິທີດີໆ ໃຫ້ແກ່ສະມະຊິກ ຫຼື ຜູ້ສົນໃຈຕໍ່ກັບກວດ ກາເຕັກນິກລົດ ຫຼື ກຽມຄວາມພ້ອມລົດກ່ອນອອກເດີນທາງ ໃນເທດສະການບຸນປີໃໝ່ປີນີ້ເປັນການພັກຍາວ ຫຼາຍຄົນ ຫຼື ຫຼາຍ ຄອບຄົວມີແຜນທີ່ຈະເດີນ ທາງທ່ຽວຕ່າງແຂວງເພື່ອພັກຜ່ອນ ແລະ ຜ່ອນຄາຍສະໝອງຈາກການເຮັດວຽກໜັກໃນຕົ້ນປີ ຫຼື ຫຼາຍໆຄົນອາດຈະເດີນທາງໄປ ຢ້ຽມຢາມຄອບຄົວ ແລະ ສ່ວນຫຼາຍກໍ່ເດີນທາງດ້ວຍລົດເປນສ່ວນຫຼາຍ ເລື່ອງໜຶ່ງທີ່ຂາດບໍ່ໄດ້ ແມ່ນສະພາບເຕັກນິກຂອງລົດ ເພື່ອ ໃຫ້ການເດີນທາງປອດໄພ ແລະ ຮັບປະກັນລົດແພກາງທາງ.

  1. ກວດຂອງແຫຼວໃນເຄື່ອງຈັກ

ກວດຂອງແຫຼວໃນເຄື່ອງຈັກທີ່ສຳຄັນ ເຊັ່ນ: ນ້ຳມັນເຄືອງ, ນ້ຳມັນເກຍ, ນ້ຳມັນພວງມະໄລພາວເວີ, ນ້ຳມັນເບກ, ນ້ຳກັ່ນໝໍ້ໄຟ, ນ້ຳຫຼໍ່ເຢັນໃນໝໍ້ນ້ຳ ແລະ ຖັງພັກນ້ຳ, ນ້ຳສີດແວ່ນລົດ ຕ້ອງໃຫ້ຢູ່ໃນເກນປົກກະຕິ ກ່ອນເດີນທາງ.

  1. ກວດສະພາບຢ່າງລົດ

ຄວນກວດສອບຄວາມດັນຂອງລົມຢ່າງທຸກກົງໃຫ້ພໍດີ ພ້ອມນີ້ຕ້ອງເຊັກດອກຢ່າງຕ້ອງບໍ່ໜ້ອຍກວ່າ 3 ມີນລີແມັດ, ກວດສອບ ຮອຍສີກ,​ ບວມເທິງຢ່າງ ທາງທີ່ດີຄວກວດສອບສະພາບແກ້ມຢ່າງດ້ານໃນດ້ວຍ.

  1. ກວດເຊັກລະບົບຊ່ວງລາງ

ສາມາດເຊັກໄດ້ງ່າຍໆ ດ້ວຍການຖິ້ມນ້ຳໜັກຕົວລົງເປັນບໍລິເວນພາຍໃນລົດທັງ 4 ມູມ ຫາກໂຊບອັບຍັງຢູ່ໃນສະພາບດີ ລົດຈະເດັງ ຂຶ້ນມາແລ້ວຢຸດທັນທີີ (ຫາກລອງຟັງສຽງຈະມີສຽງ ຟິ້ດຄ່ອຍໃນຈັ່ງຫວະ ຍືດ-ຍຸບ ສະແດງວ່າຢູ່ໃນສະພາບດີ) ແຕ່ຖ້າຫາກໂຊບອບ ເຊື່ອມສະພາບລົດະເກີດອາການເດັງຕໍ່ເນື່ອງຫຼາຍຄັ້ງກວ່າຈະຢຸດ ທາງທີ່ດີຄວນຮີບປ່ຽນກ່ອນເດີນທາງໄກ ເນື່ອງຈາກມີຜົນຕໍ່ປະ ສິດທິພາບການເກາະຖະໜົນໂດຍກົງ

  1. ກວດສອບອຸປະກອນແສງສະຫວ່າງ

ເຊັກອຸປະກອນແສງສະຫວ່າງທັງພາຍໃນ ແລະ ພາຍນອກທຸກຈຸດ ບໍ່ວ່າຈະເປັນໄຟໜ້າ, ໄຟຫຼັງ, ໄຟລ້ຽວ, ໄຟເບກ ລວມທັງໄຟເບກ ດວງທີ່3 ຫາກຫຼອດໃດຂາດຄວນຮີຍປ່ຽນໂດຍທັນທີ ສາມາດຊື້ອາໄຫຼ່ ຕາມຮ້າຍຂາອາໄຫຼ່ທົ່ວໄປ ມາປ່ຽນເອງໄດ້ເລຍ

  1. ກວດສອບສຽງຜິດປົກກະຕິ ຫຼື ບໍ່?

ກວດສອບໃຫ້ແນ່ໃຈວ່າລົດບໍ່ມີສຽງຜິດປົກກະຕິິ ທັງຂະນະທີ່ເປີດແອ ແລະ ເລັງເຄື່ອງ ຊຶ່ງສຽງທີ່ພົບຕະຫຼອດມັກເປັນສຽງຂອງສາຍພານທີ່ເກີດການເສື່ອມສະພາບ ຈົນມີສຽງດັງອີ້ດໆ ຈາກຫ້ອງເຄື່ອງໃນຂະນະເລັ່ງເຄື່ອງ ລວມເຖິງຕ້ອງບໍ່ມີສຽງດັ່ງຈາກເບກ ຊຶ່ງບົງບອກວ່າຝາເບີກໃກ້ໝົດ ຫາກມີສຽງຜິດປົກກະຕິເຫຼົ່ານີ້ຄວນຮີບແກ້ໄຂທັນທີ

  1. ກວດສອບວັນໝົດອາຍຸຂອງເອກະສານລົດ

ຄວນກວດສອບວັນໝົດອາຍຸຂອງເອກະສານລົດ ເຊັ່ນ: ໃບກວດກາເຕັກນິກ, ເສຍຄ່າທາງ,​ໃບຂັບຂີ່ ແລະ ປະກັນໄພ ໃຫ້ດີເສຍ ກ່ອນອອກເດີນທາງ ແລະ ຄວນທຳຄວາມເຂົ້າໃຈເງື່ອນໄຂຂອງປະກັນໄພທີ່ຊື້ໄວ້ໃຫ້ດີ.

  1. ກວດສອບອຸປະກອນຈຳເປັນທີ່ຕິດລົດ

ຫາກເກີດເຫດສຸກເສີນຍາມຢູ່ຕ່າງຖິ່ນທີ່ບໍ່ຄຸ້ນເຄີຍ ການພິ່ງຕົວເອງໃຫ້ໄດ້ກ່ອນຖືເປັນສິ່ງທີ່ດີທີ່ສຸດ ດັ່ງນັ້ນຈຶ່ງຄວນຫາອຸປະກອນ ຕິດລົດ ເພື່ອໄວ້ສຳລັບຍາມສຸກເສີນ ບໍ່ວ່າຈະເປັນ ສາຍແກ່ລາກ, ສາຍພ່ວງໝໍ້ໄຟ, ນ້ຳສະອາດ (ເພື່ອກໍລະນີຕ້ອງເຕີມໝໍ້ນ້ຳ), ປ້າຍ ເຕືອນສະທ້ອນແສງ ລວມເຖິງໄຟສາຍນ້ອຍໆ ຕິດລົດໄວ້ ເປັນຕົ້ນ.

  1. ເກີມຄວາມພ້ອມຂອງຜູ້ຂັບຂີ່

ສິ່ງສຳຄັນທີ່ສຸດນອກເໜືອຈາກສະພາບທີ່ສົມບູນ ກໍຄືຄວາມພ້ອມຂອງຜູ້ຂັບຂີ່ເອງ ທາງທີ່ດີຄວນພັກຜ່ອນນອນ ຫຼັບໃຫ້ພຽງພໍ ກ່ອນອອກເດີນທາງ ອາດກຽມນ້ຳ, ຂະນົມ, ລູກອົມ, ໄວ້ກິນຫຼິ້ນລະຫວ່າງທາງ ຫາກຮູ້ສຶກງ່ວງກໍ່ຄວນປ່ຽນຄົນຄັບ ຫຼື ແວະປ້ຳລ້າງ ໜ້າລ້າງຕາກ່ອນເດີນທາງຕໍ່ໄປ.

ແຫຼ່ງທີ່ມາhttps://streetuseinfo.com

Posted in ກ່ຽວກັບລົດ and tagged .