NOKIA ຈະກັບຄືນມາສູ່ຕະຫຼາດສະມາດໂຟນ ໃນປີ 2017ນີ້ແນ່ນອນ

 

nokia-hayen-edge-concept-phone-3-680x450

ເຖິງແມ່ນວ່າທີ່ຜ່ານມາຈະໄດ້ມີຂ່າວລືແນ່ແລ້ວກ່ຽວກັບການກັບມາຂອງ ແບນຍັກໃຫຍ່ ຕົ້ນໆຂອງໂລກແບບ (Nokia) ລວມທັງຂ່າວການ ລັກພັດທະນາລະບົບ Android ແຕ່ກໍ່ຍັງບໍ່ມີທ່າທີ່ວ່າຈະກັບມາໃນຊ້ວງໃດແທ້.   ແຕ່ຂ່າວລ້າສຸດ ຄົງຈະເປັນການຢືນຢັນໄດ້ 90% ວ່າພ້ອມທີ່ຈະກັບມາໃນວົງການໃນປີ 2017 ຢ່າງແນ່ນອນແລ້ວ.

ໂດຍຂໍ້ມູນດັ່ງມາຈາກພາບ Presentation ທີ່ ໂນເກຍໄດ້ນຳສະເໜີຕໍ່ກັບນັກລົງທືນໃນງານ Captal Markets Day 2016 ເຊິ່ງລະບຸວ່າໃນປີ 2017 ແບນໂນເກຍພ້ອມທີ່ຈະກັບມາທວງບັນລັງໃນຕະຫຼາດສະມາດໂຟນອີກຄັ້ງ.

ຢ່າງໃດກໍ່ດີເຖິງແມ່ນການກັບມາຢ່າງເຕັມໂຕກ່ອນໜ້ານັ້ນເຄີຍມີການລາຍງານວ່າ ໂນເກຍ ຈະບໍ່ໄດ້ເປັນຜູ້ທີ່ຜະລິດໂຕເຄື່ອງເອງທັງໝົດ ແຕ່ເປັນການຮ່ວມມືກັນລະວ່າງ ສອງບໍລິສັດ ເຊິ່ງໄດ້ແກ່ HMD Global ບໍລິສັດຈາກ ຟີນແລນ ເຊິ່ງຈະເປັນຜູ້ຄວບຄຸມເລື່ອງແບຣນ ແລະ ການຕະຫຼາດ ທັງການວາງຈຳໜ່າຍ ມືຖືອຸປະກອນເສີມ ສ່ວນ Foxconn ຈະເປັນຜູ້ວິໃຈແລະພັດທະນາ (R&D) ພ້ອມກັບຜະລິດໂຕເຄື່ອງ.

ສຳລັບມືຖື ໂນເກຍ ລຸ້ນແລກ ທີ່ຈະເປີດໂຕໃນປີ 2017 ນັ້ນຄາດວ່າໜ້າຈະເປັນ Nokia D1C ເຊິ່ງມີລະບົບປະຕິບັດການ Android 7.0 (Nougat) ແລະ ໜ້າຈໍຄວາມລະອຽດລະດັບ Full HD, ໃຊ້ຊີບເຊັດ Qualcomm Snapdragon 430 ແລະ RAM 3 GB

ນອກຈາກນັ້ນຍັງມີລາຍງານຈາກບັນຊີຜູ້ໃຊ້ @nokia ໃນ Twitter ໄດ້ທະວີດຂໍ້ຄວາມວ່າ Rajeev Suri ປະທ່ານບໍລິສັດ (CEO) ຂອງ Nokia ຈະມີການຂື້ນກ່າວ Keynote ພາຍໃນງານ Mobile World Congress 2017 ທີ່ຈະຈັດຂື້ນໃນຊ້ວງ 27 ກຸມພາ – 2 ມີນາ 2017 ທີ່ເມືອງ ບາເຊໂລນາ ປະເທດສະແປນອີກດ້ວຍ. ສະນັ້ນສາວົກຂອງ ໂນເກຍ ກໍ່ຕ້ອງໄດ້ຕິດຕາມວ່າກັບກັບມາຫຍິ່ງໃຫຍ່ ຄືເກົ່າໃດ້ ຫຼື ບໍ່?

 

ຂໍຂອບໃຈຂໍ້ມູນຈາກ : thaimobilecenter.com

Posted in ເທັກໂນໂລຢີ and tagged , .