7 ຂໍ້ແນະນຳໃນການເລືອກຊື້ລົດມືສອງໃຫ້ປອດໄພ

ໂດຍປົກກະຕິທົ່ວໄປແລ້ວຫາກທ່ານຈະຕັດສິນໃຈເລືອກຊື້ລົດມືສອງ ນັ້ນທ່ານຄົງໃດ້ຕັ້ງຄຳຖາມກັບຕົນເອງວ່າຄວນຈະເລືອກຊື້ແບບໃດ ແລະ ເວລາທີ່ຊື້ມາແລ້ວຈະຄຸ້ມ ຫຼື ບໍ່ ເນື່ອງຈາກເປັນສິນຄ້າມືສອງເຮັດໃຫ້ທ່ານຕ້ອງຄິດໝັກເລີຍລະ ເພື່ອຊ່ວຍໃນການຕັດສິນໃຈໃຫ້ທ່ານພວກເຮົາຂໍແນະນຳ ວິທີດີໆທີ່ບໍ່ຄວນເບິ່ງຂ້າມໃນເວລາເລືອກຊື້ລົດມືສອງ ແລະ ຈະເຮັດໃຫ້ທ່ານບໍ່ຜິດຫວັງແນ່ນອນ

ຈາມລາຍລະອຽດດັ່ງນີ້ ເດີໆໆໆໆໆໆ
1. ຫາຂໍ້ມູນ

ຫາກວ່າຕອນນີ້ທ່ານຍັງບໍ່ຮູ້ເລີຍວ່າຄວນຈະຊື້ລົດແບບໃດດີ ການລອງຫາຂໍ້ມູນອາດຈະຊ່ວຍທ່ານໃດ້ໃນລະດັບໜຶ່ງ ລອງຕັ້ງງົບປະມານເບື້ອງຕົ້ນຂອງລົດທີ່ທ່ານຄິດຈະຊື້ ຈາກນັ້ນກໍ່ລອງຫາຂໍ້ມູນວ່າມີລຸ້ນໃດແນ່ທີ່ລາຄາໄກ້ຄຽງ ຫຼື ຕົງກັບລາຄາທີ່ເຮົາຕັ້ງເອົາໄວ້ນັ້ນ ຕໍ່ມາກໍ່ລອງເບິ່ງຄວາມຄິດເຫັນຂອງລົດທີ່ທ່ານສົນໃຈນັ້ນ ຈາກເວັບໄຊ ຫຼື ລອງຖາມຄົນທີ່ຮູ້ ຫຼື ຊ່າງທີ່ທ່ານຮູ້ຈັກ ແລະ ຄຸ້ນເຄີຍດີ ສຸດທ່າຍທ່ານກໍ່ຕັດຕົວເລືອກໃຫ້ເຫຼືອພຽງຄັນດຽວ ແລ້ວ ພິຈາລະນາເບິ່ງຕາມບ່ອນຈຳໜ່າຍຫຼາຍໆບ່ອນເພື່ອທີ່ຈະໃດ້ລາຄາທີ່ພໍໃຈ

2. ກວດສອບລົດເບື້ອງຕົ້ນ

ຄົງເປັນເລື່ອງທີ່ດີຫາກທ່ານເລືອກທີ່ຈະກວດກາເບິ່ງລົດວ່າມີຈຸດບົກຜ່ອງໃນສ່ວນໃດຫຼືບໍ່ ສຳລັບທາງນອກຂອງລົດພະຍາຍາມກວດໂຕລົດ ປະຕູລົດເບິ່ງວ່າມີຮອຍບຸບ ຫຼື ຮອຍຂີດ ໂດຍການສັງເກດທຸກຈຸດທີ່ສາມາດເຫັນດ້ວຍຕາເປົ່າ ສ່ວນບໍລິເວນພາຍໃນລົດຕ້ອງກວດສອບລະບົບສຽງ ເບາະນັ່ງ ພົມໜ້າປັດລົດ ເຄື່ອງປັບອາກາດ ທັງໝົດຢ່າງລະມັດລະວັງ ວ່າທັງໝົດສາມາດໃຊ້ງານໃດ້ໝົດບໍ ກວດກາເຂັມໄລຍະທາງວ່າມັນສຳພັນກັບປີທີ່ຜະລິດ ຫຼື ປີທີ່ບອກກ່າວໃນປະກາດຫຼືບໍ່ ເພາະບໍ່ແນ່ທ່ານອາດຈະໄດ້ຂອງທີ່ຍ້ອມແມວກໍ່ເປັນໃດ້ ເດີໆໆໆໆໆໆ…..

3. ເຄື່ອງຈັກ
ໃນການເລືອກຊື້ລົດມືສອງ ສະພາບຂອງຈັກ ເປັນສ່ວນທີ່ສຳຄັນກໍ່ວ່າໃດ້ ເຊິ່ງທາງທີ່ດີຄວນມີຜູ້ຊຳນານສະເພາະດ້ານໄປກວດສອບໃຫ້ຈະເປັນການດີ ທົດສອບສະຕາດເບິ່ງວ່າມີສະພາບແບບໃດເຊັ່ນຕິດງ່າຍຫຼືບໍ່ ເຄື່ອງເຮັດວຽກປົກກະຕີໂດຍບໍ່ມີການສະດຸດຫຼືບໍ່ ແລະ ລອງຟັງສຽງຂະນະເລັ່ງສຸງສຸດ ແລະ ຕ່ຳສຸດເບິ່ງນຳວ່າ ມີຄວາມຜິດປົກກະຕິຫຼືບໍ່

4. ບໍລິເວນຟາກະໂປງລົດ
ກວດກາເບິ່ງຟາກະໂປງລົດວ່າມີສະໜີມຈັບ ຮອຍບຸບ ຫຼືຮ່ອງຮອຍເສຍຫາຍອື່ນໆ ຢູ່ຫຼືບໍ່ ນອກຈາກນັ້ນກວດສອບທໍ່ແລະສາຍພານຕື່ມເພາະອາດມີຮອຍຂາດ ສັງເກດໝໍ້ໄຟ ເພາະອາດເກີດຂື້ນຈາກການຮັກສາທີ່ບໍ່ດີພໍ ແລະ ຢ່າລີມເປີດຟານ້ຳມັນແລ້ວສັງເກດແນ່ວ່າມີສານຕົກຄ້າງເປັນຟອງສີຂາວເນື່ອງຈາກເຄີຍມີການຮັ່ວມາແລ້ວ ຫຼືບໍ່

5. ທົດລອງຂັບ

ຄວນມີການທົດລອງຂັບເພື່ອກວດກາສະພາບໃຫ້ແນ່ໃຈວ່າລົດມືສອງທີ່ຈະຊື້ນັ້ນສາມາດແລ່ນໃດ້ສົມສະຖານະລົດຢ່າງເຕັມທີ່ສ່ຳໃດ ໂດຍກ່ອນການເລີ້ມຂັບໃຫ້ໝູນພວງມະໄລເບິ່ງຄວາມໝ່ອນເບິ່ງກ່ອນ ຫຼັງຈາກນັ້ນໃຫ້ຟັງສຽງເຄື່ອງຈັກໃນຂະນະທີ່ກຳລັງແລ່ນຢຸ່ອລອງກວດສອບລະບົບເບກໂດຍການຂັບດ້ວຍຄວຍໄວລະດັບຕ່ຳແລ້ວຢຽບເບກເບິ່ງ ຖ້າເກີດມີສຽງ ຫຼື ອາການສ່ວນແປກໆຂະນະທີ່ຢຽບ ກໍ່ຄົງບໍ່ເປັນການດີແນ່ນອນ ອາດຈະເກີດຈາກອຸປະກອນເສີ່ອມສະພາບກໍ່ເປັນໃດ້

6. ເອກະສານ
ກວດສອບເອກະສານວ່າມີເອກະສານຊື້ຂາຍຄົບຖ້ວນ ໜັງສືສັນຍາຊື້ຂາຍ ສຳເນົາບັດປະຊາຊົນ ແລະ ສຳເນົາສຳມະໂນຄົວຂອງຜູ້ຂາຍພ້ອມຫຼັກຖານອື່ນໆຂອງລົດ ກວດເບິ່ງພວກລະຫັດເຄື່ອງຈັກ ເລກທະບຽນລົດພ້ອມ ວ່າມີຄົບໝົດຫຼືບໍ່

7. ຊຳລະເງິນ
ຫາກວ່າທ່ານຕັດສິນໃຈແລ້ວທີ່ຈະຊື້ ທ່ານອາດລອງຕໍ່ລອງລາຄາເບິ່ງ ເພາະອາດຈະສາມາດຕໍ່ລອງລາຄາກັນໃດ້ນອກຈາກລາຄາໃນປະກາດ ແລະ ສຳຄັນຢ່າລືມຮັກສາໃບຮັບເງິນໄວ້
ເຖິງແມ່ນວ່າການກວດເບິ່ງຄວາມພ້ອມຂອງລົດ ຄວາມສາມາດໃນການໄຊ້ງານອາດຈະກິນເວລາຂອງທ່ານກໍ່ຕາມ ແຕ່ຂໍບອກໄວ້ເລີຍວ່າເປັນເລື່ອງທີ່ສຳຄັນທີ່ສຸດ ເພາະຫາກວ່າທ່ານບໍ່ໄດ້ກວດກາຢ່າງລະອຽດຖີ່ຖ້ວນ ກໍ່ອາດເກີດປັນຫາທັງຫຼາຍຕາມມາ ເຊັ່ນຖ້າລົດຂອງທ່ານບໍ່ດີພໍອາດ ນຳມາເກີດອຸປະຕິເຫດໄດ້ ຫຼື ຖ້າເປັນລົດທີ່ຖືກລັກມາ ທ່ານກໍ່ອາດຖືກຕຳຫຼວດຈັບໃນການຮັບຊື້ຂອງໂຈນ ຈົງເປັນຄະຕິໃຫ້ທ່ານເລີຍວ່າ ຊ້າໆໃດ້ພ້າແຫຼ້ມງາມ
ຂໍໃຫ້ໂຊກດີໃດ້ລົດທີ່ຖືກໃຈ ແລະ ຄຸ່ມຄ່າກັບເງິນທີ່ທ່ານຕັດສິນໃຈຈ່າຍ

Posted in ກ່ຽວກັບລົດ and tagged .